இந்தியத் தேயிலைக்கு துபையில் கிராக்கி

துபை,​​ பிப்.​ 22: ​ ​ இந்திய தேயிலைக்கு துபையில் தொடர்ந்து கிராக்கி நிலவுகிறது.​ இந்தியாவிலிருந்து தேயிலை அதிகம் இறக்குமதி செய்யும் நாடுகளின் பட்டியலில் துபை இரண்டாவது இடத்தில் உள்ளது.

இது குறித்து துபை தேயிலை வணிக நிறுவனம் மேலும் கூறியிருப்பது:​ ​

துபை மக்கள் அதிகம் விரும்பும் தேயிலையில் இலங்கைக்கு அடுத்தபடியாக இந்திய தேயிலை உள்ளது.​ ​

இலங்கை, ​​ இந்தியா,​​ கென்யா ஆகிய நாடுகளில் இருந்துதான் துபைக்கு அதிக அளவில் தேயிலை இறக்குமதி செய்யப்படுகிறது.​ மொத்த இறக்குமதியில் இந்த நாடுகளின் பங்களிப்பு 65 சதவீதமாக உள்ளது.

எங்கள் நிறுவனம் மூலம் சாதனை அளவாக 2009-ம் ஆண்டில் 75 லட்சம் கிலோ தேயிலையை விற்பனை செய்துள்ளோம்.​ இந்திய தேயிலை ஒரு கிலோ சுமார் ரூ.​ 150-க்கு ஏலம் போனது.​ இது கடந்த ஆண்டு விலையை விட 12.4 சதவீதம் அதிகமாகும்.