மருத்துவமனைக்குச் சென்று மாற்றுத் திறனாளிகளைச் சந்தித்தார் முதல்வர்: உண்ணாவிரதம் வாபஸ்

சென்னை, மே 28: மருத்துவமனைக்கு நேரில் சென்று முதல்வர் கருணாநிதி அளித்த வாக்குறுதியைத் தொடர்ந்து காலவரையற்ற உண்ணாவிரதத்தை மாற்றுத் திறனாளிகள் கைவிட்டனர்.

÷மாற்றுத் திறனாளிகளுக்கு வேலை தருவது தொடர்பான கோரிக்கை ஒரு வாரத்தில் நிறைவேற்றப்படும் என அவர்களிடம் முதல்வர் உறுதியளித்தார்.

÷சென்னையை அடுத்த பூவிருந்தவல்லியில் உள்ள சிறப்பு ஆசிரியர் பள்ளியில் படித்த 72 பார்வைற்றோருக்கு அரசு ஆசிரியர் பணி வழங்கக் கோரி மே 26 முதல் சென்னை எழும்பூர் ராஜரத்தினம் ஸ்டேடியம் அருகே மாற்றுத்திறனாளிகள் சாகும்வரை உண்ணாவிரதப் போராட்டத்தைத் தொடங்கினர்.

÷இரண்டாவது நாளாக வியாழக்கிழமையும் (மே 27) அவர்களது உண்ணாவிரதம் தொடர்ந்தது. இதனால் பலர் சோர்வடைந்தனர். அவர்களை வியாழக்கிழமை இரவு அரசு பொதுமருத்துவமனைக்கு போலீஸôர் சிகிச்சைக்காக அழைத்துச் சென்றனர். ஆனால், அவர்கள் சிகிச்சை பெற மறுத்து மருத்துவமனை வளாகத்திலேயே உண்ணாவிரதப் போராட்டத்தைத் தொடர்ந்தனர்.

÷இந்நிலையில், முதல்வர் கருணாநிதி, காலை 9.15 மணிக்கு அரசு பொது மருத்துமனைக்கு நேரில் வந்து போராட்டத்தில் ஈடுபட்ட மாற்றுத்திறனாளிகளை சந்தித்து அவர்களின் கோரிக்கைகளைக் கேட்டறிந்தார். ÷சம்பந்தப்பட்ட அதிகாரிகளுடன் கலந்துபேசி ஒரு வாரத்தில் உங்களது கோரிக்கைகளை நிறைவேற்ற நடவடிக்கை எடுக்கப்படும் என்றும் அவர்களிடம் உறுதியளித்தார்.

÷முதல்வரின் உறுதிமொழியை ஏற்றுக் கொண்ட மாற்றுத்திறனாளிகள் உண்ணாவிரதப் போராட்டத்தை கைவிடுவதாக அறிவித்தனர். ÷இதுகுறித்து உண்ணாவிரதப் போராட்டத்தில் ஈடுபட்ட பார்வைத்திறன் இழந்தவர்களிடம் பேசியபோது, “ஒரே பள்ளியில் படித்த சிலருக்கு வேலை வழங்கிவிட்டு சிலருக்கு வழங்காதது வேதனையைத் தருகிறது. முதல்வரே நேரில் வந்து பேசியது மகிழ்ச்சி அளிக்கிறது. அவர் உறுதி அளித்ததால் போராட்டத்தை வாபஸ் பெறுகிறோம்’ என்றனர்.